തര്‍ജ്ജനി

അയാള്‍

"കുഞ്ഞാളേ.... ഒന്നിവിടെ വാ..." തളര്‍ന്ന ശബ്ദത്തില്‍ അയാള്‍ വിളിച്ചു.
"എന്താച്ഛാ...?"
"വെറുതെ... ഇത്തിരി നേരം ഇവിടെ വന്നിരിയ്ക്കാമോ നിനക്ക്‌?"
"അവള്‍ വന്നു കയറിയതെയുള്ളൂ...അതിനൊന്ന്‌ ശ്വാസം വിടാനെങ്കിലും സമയം കൊടുക്ക്‌.. നീ വാ മോളേ"

എണ്ണയുടെയും വിയര്‍പ്പിന്റെയും മൂത്രത്തിന്റെയും സമ്മിശ്രഗന്ധം മുറിയ്ക്കുള്ളില്‍ വീര്‍പ്പുമുട്ടി. അകന്നു പോകുന്ന വര്‍ത്തമാനങ്ങള്‍ക്ക്‌ കാതോര്‍ക്കാന്‍ അയാള്‍ വെറുതെ ശ്രമിച്ചു. പിന്നെ മെഴുക്കു പുരണ്ട ചുവരിലേയ്ക്ക്‌ മുഖം തിരിച്ചു കിടന്നു.