Subscribe to Tharjani
|
 |
|||||
 |
|||||
 |
|||||
Subscribe
നീ മാത്രം
ദിയാബ് എല് ആമ്രി 1947-ല് ഒമാനിലെ മത്ര എന്ന സ്ഥലത്ത്, സാഹിത്യാദി കലകളോട് ആഭിമുഖ്യം പുലര്ത്തിവന്ന ഒരു കുടുംബത്തില് ജനിച്ചു. ഒമാനിലും യമെനിലും ജോര്ദാനിലും ലണ്ടനിലും ജപ്പാനിലുമായി വിദ്യാഭ്യാസവും തൊഴില് പരിശീലനങ്ങളും നേടി. ആദ്യകാല ഒമാന് റേഡിയോ സര്വീസിലും ഒമാന് ടി വിയിലും പ്രധാന ഉദ്യോഗങ്ങള് വഹിച്ചു. ഇസ്ലാമിനു മുന്പുള്ള കാലം മുതല് ആധുനിക കാലഘട്ടം വരെയുള്ള ഒമാനിലെ കാവ്യപാരമ്പര്യത്തെപ്പറ്റി ആഴത്തില് പഠിച്ചിട്ടുണ്ട്. 1981 ല് ആദ്യ കവിതാസമാഹാരം പ്രസിദ്ധപ്പെടുത്തി 'അകലെയുള്ള കാലത്തില് നിന്ന്'. 1989 ല് അദ്ദേഹത്തിന്റെ രണ്ടാമത്തെ സമാഹാരം "പ്രണയത്തിന്റെ തുറമുഖം' പ്രസിദ്ധീകരിച്ചു. അറബ് പത്രങ്ങളിലും ആനുകാലികങ്ങളിലും സാഹിത്യത്തെയും കാലിക രാഷ്ട്രീയത്തെപ്പറ്റിയും ധാരാളം എഴുതാറുണ്ട്. "ജീവിതവഴിത്താരയിലെ പ്രകാശരേണുക്കള്" (ലേഖനസമാഹാരം) 'നീയും ഞാനും ചന്ദ്രനും' (കവിതാസമാഹാരം) എന്നിവ മറ്റു പുസ്തകങ്ങള്. |
വീണ്ടും സന്ധിക്കുന്നത് താലോലിക്കേണ്ട ഒരു പ്രതീക്ഷയാണെന്നു നീ മാത്രമാണ് എന്നെ പഠിപ്പിച്ചത്. പ്രണയികളുടെ സമാഗമം ആനന്ദകരമാണെന്നും. പ്രശാന്തതയിലും നിര്വൃതിയിലും മുഴുകാത്ത രണ്ടു ഹൃദയങ്ങളില് പ്രണയപ്രതിജ്ഞകള് ഒരിക്കലും പൂവിടുകയില്ലെന്നും. നീ മാത്രമാണെന്നെ പഠിപ്പിച്ചത്. സായന്തനത്തിന്റെ ഇരുള്വെളിച്ചം കൊതിക്കുന്ന അനുരാഗത്തിന്റെ മരുപ്പച്ച സുഗന്ധം തൂവിക്കൊണ്ടിരിക്കുന്നിടത്ത്, ദൂരെ, തീവ്രാഭിലാഷം പോലെ, വൃഷ്ടിയിലും വരള്ച്ചയിലും വെള്ളം നുണയാത്ത കണ്ണീരിലെ മോഹങ്ങളും ഞാനും നിന്റെ സ്നേഹത്തിന്റെ അടിമയായി കഴിഞ്ഞുകൂടും. നീമാത്രമാണ്.. നീയില്ലാതെ എനിക്കു ആനന്ദമൂര്ച്ഛ നല്കുന്ന വീഞ്ഞാണു നീ. മറ്റു സ്ത്രീകളുടെ സ്നേഹമെല്ലാം വെറുതെയാണ്! ( 'പ്രണയത്തിന്റെ തുറമുഖം' എന്ന പുസ്തകത്തില് നിന്ന് ) |