തര്‍ജ്ജനി

ഹബീബ

ഫോണ്‍: 00966-2-6738489
ഇ-മെയില്‍: habeebamongam@yahoo.com

Visit Home Page ...

കവിത

വിലക്കുകള്‍

വാക്കുകള്‍ വിലക്കപ്പെട്ടിരുന്നു!
എങ്കിലും ഹതാശയാവാതെ
പിറവിയെടുത്ത ഒരോ വാക്കും
ഞാന്‍ തടവറയിലിട്ടു
ഒരിക്കല്‍ മോചനമുണ്ടായേക്കും
എന്ന പ്രതീക്ഷയോടെ....

ഏറെക്കുറെ ചലനങ്ങള്‍ക്കും
വിലക്കേര്‍പ്പെടുത്തിയതിനാല്‍
അറിയാമല്ലോ
പരോക്ഷമായി ദൃശ്യങ്ങളും...

പക്ഷേ, വിചാരങ്ങള്‍ വിലക്കപ്പെടാന്‍
ആര്‍ക്കും കഴിയുമായിരുന്നില്ല
അതിനാല്‍ മനസ്സും
അതിന്റെ സഞ്ചാരപഥങ്ങളും
എന്റെ ആയുസ്‌സിനോളം
മുന്നോട്ടു നീണ്ടുകിടന്നു
ആര്‍ക്കും വെളിപ്പെട്ടില്ലെങ്കിലും!

ഒടുവിലിതാ..
ഇരുട്ടിന്റെ കനപ്പില്‍ നിന്ന്‌
വെളിച്ചത്തിന്റെ സുതാര്യതയിലേയ്‌ക്ക്‌..
ഞാന്‍ അനുനിമിഷം നടന്നടുക്കുകയാണ്‌
സകല വിലക്കുകളും നീങ്ങുന്ന
ആ അപൂര്‍വ്വ നിമിഷത്തിലേയ്‌ക്ക്‌....

Subscribe Tharjani |
Submitted by anees kodiyathur (not verified) on Tue, 2007-06-05 17:20.

nice writing... keep it up