വല്ലപ്പോഴും

മുറിയുടെ നിശബ്ദതയില്‍
പുതഞ്ഞുപോയ എന്റെ ശബ്ദം.
വിരലുകള്‍ കൊണ്ടെന്റെ
പുറത്താകെ അലഞ്ഞു നടക്കുന്നവന്‍.
ശിരസ്സിലവന്‍ കാമമെന്ന പേരില്‍
എഴുതിയതൊക്കെയും ഓര്‍മ്മയുണ്ടിന്നും

വായിക്കാന്,
പുസ്തകങ്ങള്‍ക്ക്‌ പകരമീക്കുറിപ്പ്‌,
എന്റെ കുമ്പസാരം.
മെത്തയിലിട്ട്‌ കണ്ണടച്ചു കിടക്കാം.
പാപമായ ആഹ്ലാദം
സ്മൃതികളുടെ കല്‍പ്പടവിലിരുന്നു
ഗൂഡമായൊരു
മന്ദസ്മിതമുതിര്‍ക്കാറുണ്ട്‌, വല്ലപ്പോഴും

അനീഷ്‌