വേട്ടയാടുക വിളയാടുക

എന്താണ് പേര് സൂചിപ്പിക്കുന്നതെന്നറിയില്ല. എങ്കിലും കൊന്നു കളിക്കുക എന്നാണ് അര്‍ത്ഥമെന്നു തോന്നുന്നു. എങ്കിലതു ശരിയാണ് എണ്ണാന്‍ പറ്റാത്തത്ര കൊലപാതകങ്ങള്‍...’ആളവന്താനി’ലെ രക്തക്കൊതി കളര്‍ പേപ്പറിട്ട് മിനുക്കിയിട്ടുണ്ട്. അതുകൊണ്ട് അത്ര അസഹനീയമല്ല. എങ്കിലും ഇന്റെര്‍വെല്ലിനു മുന്‍പ്.. തീരേണ്ട അന്വേഷണപ്രശ്നമാണ് നീട്ടിവലിച്ച് അമേരിക്ക വരെ കൊണ്ടു പോയി മുംബായ്, ഗോവ, കോഴിക്കോടു വഴി ചെന്നയില്‍ കൊണ്ടു വന്നു തീര്‍ത്തത്..അതു സഹിക്കണം. പിന്നെ പാട്ടുകള്‍ സഹിക്കണം.. പിന്നെ കമലിന്റെ സ്ഥിരം പ്രേമ നാടകങ്ങളുണ്ട്.. ഏതു വേഷം അഭിനയിച്ചാലും.. അതിനെല്ലാം ഒരേ സ്വഭാവം.. അതും സഹിക്കണം.. പിന്നെ വില്ലന്‍ വില്ലത്തരത്തിനായി കാട്ടിക്കൂട്ടുന്ന ഭാവാഭിനയമുണ്ട് അതു സഹിക്കണം നായകനെ അവതരിപ്പിക്കാന്‍ തമിഴില്‍ ചില സ്ഥിരം നമ്പരുകളുണ്ട്.. അതും സഹിക്കണം.. മൊത്തത്തില്‍ രണ്ടേമുക്കാല്‍ മണിക്കൂറ് ഒരു വിളയാട്ടവുമില്ലാത്തെ ഞെരിഞ്ഞും പിരിഞ്ഞും സഹിക്കുക...ടിക്കറ്റിനെല്ലാം ഇപ്പോള്‍ എന്താ വില !