തര്‍ജ്ജനി

നസീര്‍ കടിക്കാട്

P.B.No: 5473
Abu Dhabi
United Arab Emirates.
വെബ്ബ്:സംക്രമണം
ഇമെയില്‍:kaymnazeer@yahoo.com

Visit Home Page ...

കവിത

എഴുപതുകള്‍ക്കു ശേഷം 2008-ല്‍


ചിത്രീകരണം: സുരേഷ് കൂത്തുപറമ്പ്

അയ്യോ,
നിന്നെ നോക്കെണ്ടിയിരുന്നത്‌
ഈ കണ്ണ്‌ കൊണ്ടായിരുന്നില്ലല്ലൊ

നിന്നെ വിളിക്കേണ്ടിയിരുന്നത്‌
ഈ പേര്‌ കൊണ്ടായിരുന്നില്ലല്ലൊ

നിന്നെ കേള്‍ക്കേണ്ടിയിരുന്നത്‌
ഈ ശബ്ദം കൊണ്ടായിരുന്നില്ലല്ലൊ.

ഇങ്ങിനെയല്ല,
കണ്ടുമുട്ടേണ്ടിയിരുന്നത്‌
കൈപ്പടയാവേണ്ടിയിരുന്നത്‌
കലഹിക്കേണ്ടിയിരുന്നത്‌

ഇങ്ങിനെയല്ല,
കിഴക്കുപടിഞ്ഞാറ്‌ നോക്കേണ്ടിയിരുന്നത്‌
യാത്ര ചൊല്ലിയിറങ്ങേണ്ടിയിരുന്നത്‌
തിന്നു തീര്‍ക്കേണ്ടിയിരുന്നത്‌

ഇങ്ങിനെയല്ല,
തൊട്ടു തൊട്ടിരിക്കേണ്ടിയിരുന്നത്‌
ചുംബിക്കേണ്ടിയിരുന്നത്‌
അടര്‍ന്നു നിശ്വസിക്കേണ്ടിയിരുന്നത്‌

ഇങ്ങിനെയല്ല,
ജാഥയ്ക്കുള്ളില്‍ അകപ്പെടേണ്ടിയിരുന്നത്‌
മുദ്രാവാക്യത്തില്‍ വെളിപ്പെടേണ്ടിയിരുന്നത്‌
കുത്തേറ്റ്‌ മരിക്കേണ്ടിയിരുന്നത്‌

ഇങ്ങിനെയല്ല
ഇങ്ങിനെയൊന്നുമല്ല;
മാറണം
ഒക്കെ മാറണം!

Subscribe Tharjani |
Submitted by Rajan (not verified) on Sat, 2008-10-18 07:51.

ചുമ്മാ..വെറുതെ...