തര്‍ജ്ജനി

അതിര്‍ത്തികള്‍

എന്റെ രക്‌തം
എന്നെ വിട്ട്‌ പോകുമ്പോള്‍
കുഴല്‍ വിളികളുയര്‍ത്തുന്നതാരാണ്‌?
എന്നെയും നിന്നെയും മുറിച്ച്‌
മതിലുകളുയരുമ്പോള്‍
മധുചഷകമൊരുക്കുന്നതാരാണ്‌?

പുതിയ അതിര്‍ത്തികള്‍
പുതിയൊരു തര്‍ക്കമാകുന്നു,
പുതിയൊരു കുരുതിക്കളവും.
അധികാരം
പെരുമ്പറകള്‍ മുഴക്കുമ്പോള്‍
ചുടുനിശ്വാസങ്ങള്‍ ആര്‌ കേള്‍ക്കും?
മദ്യവും നൃത്തവും നിറയുമ്പോള്‍
കണ്ണുനീര്‍ത്തുള്ളികള്‍ ആര്‌ കാണും?

രാഷ്ട്രദൈവങ്ങളെഴുന്നെള്ളുമ്പോള്‍
അനാഥരായ കുഞ്ഞുങ്ങളുടെ താലപ്പൊലി,
വെടിയുണ്ടകള്‍ കോര്‍ത്തൊരു മാല,
നിരപരാധിയുടെ ചോരയും ജനാധിപത്യക്കുരുതിയും.
വെടിയൊച്ച നിലയ്ക്കാത്ത രാത്രിയില്‍
അധികാരത്തിന്റെ വേഴ്ച്ചകള്‍,
തീന്‍ മേശയില്‍ പ്രാവിറച്ചി പൊരിച്ചത്‌,
ഒലിവിലയാല്‍ അലങ്കാരം.

കുരുതിയടയാളം പതിക്കാന്‍
ഇനിയെത്ര കൂനന്‍ കിനാവുകള്‍?
കൂട്ടിക്കൊടുക്കാന്‍ ഇനിയെത്ര കന്യകമാര്‍?
പട്ടിണിയാല്‍ കോടിപ്പോയ ചുണ്ടുകള്‍ക്ക്‌
ചുംബിയ്ക്കാന്‍ അറിയില്ലെന്ന്‌
പരാതി മാത്രം പറയരുത്‌.

Submitted by Anonymous (not verified) on Wed, 2005-03-09 16:36.

substandard poem- using some difficult or obscure words cannot make a poem.

Submitted by chinthaadmin on Wed, 2005-03-09 18:42.

thanks for the comments...

Submitted by Sunil Krishnan (not verified) on Fri, 2005-04-08 22:28.

Very good poem, simply communicating to the reader and leaves itches somehwere. Our hands are so weak to resist.....

Submitted by chinthaadmin on Sat, 2005-04-09 03:39.

thanks sunil... hope to see more discussions on chintha.com

Submitted by Anonymous (not verified) on Thu, 2005-05-26 13:28.

mere words do not make a poem