തര്‍ജ്ജനി

സാറാ ജോസഫിനു വയലാര്‍ അവാര്‍ഡ്‌

"വയലാര്‍ അവാര്‍ഡ്‌ പലതുകൊണ്ടും വലിയ ബഹുമതി തന്നെയാണ്‌. വായനക്കാരുടെ കൈകളിലൂടെയാണു ജൂറിക്കു മുന്നില്‍ പുസ്‌തകങ്ങള്‍ എത്തുന്നത്‌. പല തലത്തിലുള്ള വായനക്കാരുടെ അംഗീകാരമാണിത്‌. വായനക്കാര്‍ നേരിട്ടു നല്‍കുന്ന ബഹുമതിയായി ഇതിനെ കാണാം. അതുകൊണ്ടുതന്നെ കൂടുതല്‍ സന്തോഷമുണ്ട്‌"- തൃശൂരില്‍ സാറാ ജോസഫ്‌ പറഞ്ഞു.

ഇറച്ചിക്കോഴി മൂന്ന്‌

സൌഹൃദങ്ങള്‍ക്കും പ്രണയങ്ങള്‍ക്കും വിവാഹങ്ങള്‍ക്കും കോഴികള്‍ പ്രാധാന്യത്തോടെ പങ്കെടുത്തു. തീന്‍ മുറികളിലും റസ്റ്റോറന്റുകളിലും കോഴികള്‍ തലയുയര്‍ത്തി നടന്നു. സദ്യകളില്‍ പോലും അവിയലിനും തോരനും പകരം ചില്ലിചിക്കനും ബട്ടര്‍ചിക്കനും പതിവായി. കേരളം ഇത്രയേറെ കോഴികള്‍ക്ക്‌ വിധേയരായ ഒരു കാലം ഇതിന്‌ മുന്‍പ്‌ ചരിത്രത്തില്‍ ഉണ്ടായതായി അറിവില്ല. നമ്മുടെ ദൈനംദിന ജീവിതത്തില്‍ ഇത്രയേറെ സ്വാധീനം ചെലുത്തുകയും നമ്മുടെ ഭക്ഷണക്രമത്തെ സമൂലം മാറ്റിമറിക്കുകയും ചെയ്ത കോഴികളോടുള്ള ബഹുമാനാര്‍ത്ഥം നമ്മുടെ ടൂറിസം മുദ്രാവാക്യമെങ്കിലും മാറ്റേണ്ട കാലം കഴിഞ്ഞു. ഇനി നമ്മുടെ പരസ്യവാചകങ്ങള്‍ ഇങ്ങനെയാവട്ടെ:
"കേരളം, കോഴികളുടെ സ്വന്തം നാട്‌"

ഇറച്ചിക്കോഴി - രണ്ട്‌

"ഇതിനൊരു രുചിയില്ല. ഉപ്പ്‌ കുറഞ്ഞിട്ടാണോ? എന്തോ ഒരു കുഴപ്പം ഉണ്ടല്ലോ?"
"അതിപ്പോള്‍ രുചിയെന്ന്‌ പറയുന്നത്‌ ആപേക്ഷികമല്ലേ?"
"അതെ, നാടന്‍ കോഴിക്കറിയുടെ സ്വാദില്ലെന്നാ പറഞ്ഞത്‌"
"ഓ, അങ്ങനെ. ഇറച്ചിക്കോഴിയ്ക്ക്‌ അത്രയേ പറഞ്ഞിട്ടുള്ളൂ... ഒരുപക്ഷേ അതൊരു പ്രതിരോധം കൂടി ആയിരിക്കാം. മരണത്തിന്‌ തൊട്ട്‌ മുന്‍പുള്ള നിമിഷത്തില്‍ ശരീരത്തിലെ രുചിയുടെ സ്രവങ്ങളെല്ലാം ഊറ്റിക്കളഞ്ഞ്‌.."
"ഓ പിന്നെ.... അങ്ങനെയാണെങ്കില്‍ ഇറച്ചിക്കോഴികള്‍ പമ്പര വിഡ്ഢികള്‍ തന്നെ. നാടന്‍ കോഴിയെ പോറ്റുന്നതിലും എത്ര എളുപ്പമാണിത്‌. കടയില്‍ പോയാല്‍ കറിയ്ക്ക്‌ പരുവത്തിന്‌ കഷണങ്ങളാക്കി തരില്ലേ... മീന്‍ പോലും ഇത്രയും എളുപ്പമല്ല. രുചി അല്‍പം കുറഞ്ഞാലും സാരമില്ല"
"ഓരോരോ എളുപ്പവഴികള്‍..."