തര്‍ജ്ജനി

കേരളത്തിലും തമിഴകത്തും പിന്നെ ചില സംസ്ഥാനങ്ങളിലും തെരഞ്ഞെടുപ്പു് പ്രഖ്യാപിക്കപ്പെട്ടിരിക്കുന്നു. കാലാവധിപൂര്‍ത്തിയാക്കിയ നിയമസഭകള്‍ അവസാനത്തെ യോഗവും ചേര്‍ന്നു് പിരിഞ്ഞിരിക്കുന്നു. സഭയ്ക്കകത്തും പുറത്തും തര്‍ക്കിച്ച വിഷയങ്ങളെല്ലാം തെരഞ്ഞെടുപ്പിനുള്ള ആയുധങ്ങളാക്കി ഉപയോഗിക്കാനുള്ള തയ്യാറെടുപ്പിലാണു് മുന്നണികളെല്ലാം. വേനല്‍ച്ചൂടിനെ നിസ്സാരമാക്കുന്ന പോരാട്ടവീര്യവുമായി നേതാക്കളും അണികളും രംഗത്തിറങ്ങുമ്പോള്‍ തെരഞ്ഞെടുപ്പു് പ്രവാചകരും സര്‍വ്വേകളും പ്രവചനങ്ങളുമായി രംഗത്തെത്തുന്നു. വരാനിരിക്കുന്ന തെരഞ്ഞെടുപ്പില്‍ ആരൊക്കെ എവിടെയെല്ലാം മത്സരിക്കും എന്നതുമുതല്‍ ഏതൊക്കെ മുന്നണികള്‍ക്കു് എത്ര സീറ്റു് ലഭിക്കും എന്നുവരെ പ്രവചിക്കാന്‍ അവര്‍ തയ്യാറാവുന്നു. മുന്നണികളാവട്ടെ സീറ്റു് വീതം വെക്കുന്നതിന്റെ തര്‍ക്കങ്ങളില്‍ മുഴുകിയിരിക്കുന്നു. തെരഞ്ഞെടുപ്പു് ഒരു ഉത്സകാലമാക്കാന്‍ മാദ്ധ്യമങ്ങളും ഒരുങ്ങിക്കഴിഞ്ഞു. ജനാധിപത്യത്തിലെ പരമാധികാരികളായ സമ്മതിദായകര്‍ക്കു് ഒടുവില്‍ സ്വന്തം തീരുമാനങ്ങള്‍ക്കു് ആവിഷ്കാരം നല്കാന്‍ ഒരു അവസരം സമാഗതമാവുന്നു, സമ്മദിദാനത്തിന്റെ പവിത്രമുഹൂര്‍ത്തം.

തുടര്‍ന്നു വായിക്കുക...