തര്‍ജ്ജനി

ഐ പി എല്‍ വിവാദത്തെത്തുടര്‍ന്നു് ശശി തരൂര്‍ കേന്ദ്രമന്ത്രിസഭയിലെ സഹമന്ത്രിപദവിയില്‍ നിന്നും ഒഴിവാക്കപ്പെട്ടിരിക്കുന്നു. ക്രിക്കറ്റകളി വലിയ ഒരു രാഷ്ട്രീയപ്രശ്നമായി മാറുന്നതു് അതില്‍ അന്തര്‍ഭവിച്ച കോടിക്കണക്കിനു് രൂപയുടെ ഇടപാടുകള്‍ കാരണമാണു്. അല്ലായിരുന്നെങ്കില്‍ ഗോട്ടികളിപോലും രാഷ്ട്രീയപ്രശ്നമാവേണ്ടതാണു്. ആഗോളവത്കരണത്തിന്റെ കാലത്തു് നഷ്ടപ്പെട്ടുപോകുന്ന തദ്ദേശീയവിനോദരൂപങ്ങളും കായികവിദ്യയും സംരക്ഷിക്കാന്‍ പ്രതിജ്ഞാബദ്ധരായവര്‍ പോലും ക്രിക്കറ്റിലാണു് ശ്രദ്ധപുലര്‍ത്തുന്നതു്. വമ്പിച്ച കായികമാമാങ്കങ്ങള്‍ ഓരോന്നും കോടിക്കണക്കിനു് രൂപയുടെ ഇടപാടുകളാണു്. അതിനാലാണു് കായികവിദ്യയുമായി ബന്ധപ്പെട്ട സമിതികളില്‍ രാഷ്ട്രീയക്കാര്‍ മേലാളന്മാരായി വരുന്നതു്. ഒളിംപിക്‌സ് അസോസിയേഷനായാലും ക്രിക്കറ്റ് കണ്‍ട്രോള്‍ ബോര്‍ഡ് ആയാലും അവയെല്ലാം ഈ മേഖലയിലെ വിദഗ്ദ്ധരെക്കാള്‍ രാഷ്ട്രീയക്കാരാല്‍ നിയന്ത്രിക്കപ്പെടാന്‍ കാരണം ഇതല്ലാതെ മറ്റൊന്നുമല്ല. രാഷ്ട്രീയത്തിന്റെ ഗോദയില്‍ ശേഷിയും ശേമുഷിയും തെളിയിച്ച കളിക്കാരാണു് കളിക്കാരുടെ നിയന്ത്രണം ഏല്ക്കുന്നതു്. അത്തരം ഒരു സാഹചര്യത്തില്‍, നാട്ടില്‍ നടപ്പുള്ള രാഷ്ട്രീയത്തിന്റെ ആദ്യാക്ഷരം പോലും നേരെ മനസ്സിലാക്കാതെ രംഗത്തിറങ്ങുന്നവന്‍ കളത്തിനു് പുറത്താകും. ഇപ്പോള്‍ സംഭവിച്ചതും അതു തന്നെയെന്നു് പറയാന്‍ ഞങ്ങള്‍ മടിക്കുന്നില്ല.

തുടര്‍ന്നു വായിക്കുക...

ലേഖനം
സോമനാഥന്‍ പി.
പുസ്തകം
കെ.എ. സൈഫുദ്ദീന്‍
വായന
എം. പുഷ്പാംഗദന്‍
കവിത
സ്മിത മീനാക്ഷി
രാജേഷ്‌ ചിത്തിര
വി. ജയദേവ്
സുജീഷ് . എന്‍.എം
പാട്രിക് അത്കിറ്റ്സന്‍
കഥ
രാജേഷ് ആര്‍. വര്‍മ്മ
കെ.ആര്‍. ഹരി