ഗ്രഹണ സമയത്ത് സൂര്യനില്‍ വീഴുന്ന നിഴല്‍ അതിന്റെ ഏതുപ്രതിബിംബത്തിലും കാണും. മറ്റൊരു തരത്തില്‍ പറഞ്ഞാല്‍ ആഗോളീകരണകാലത്ത് ലോകം സാമാന്യമായി അഭിമുഖീകരിക്കുന്ന പ്രശ്നങ്ങള്‍ തന്നെയാണ് ഏറിയും കുറഞ്ഞും പ്രദേശങ്ങള്‍ പ്രത്യേകമായി അനുഭവിക്കുന്നത്. ആഗോളവത്കരണത്തിനും പ്രാദേശികവത്കരണത്തിനുമിടയിലുള്ള പാലങ്ങളെപ്പറ്റി പുതിയ ചിന്തകള്‍ ഉറക്കെയാവുന്നത് ഇതുകൊണ്ടും കൂടിയല്ലേ?